“ლელო-ძლიერი საქართველოს” შუამდგომლობაზე პლენუმის გადაწყვეტილება ცნობილია – თათბირის შემდეგ, პლენუმმა ოპოზიციური პარტიის მოთხოვნა ნაწილობრივ დააკმაყოფილა.
კერძოდ, როგორც მოსამართლე რევაზ ნადარაიამ განაცხადა, სხდომაზე განხიკლვების მიმდინარეობისას სარჩელში მითითებულ სტატიის ბმულებს არ განიხილავენ, ასევე არ იქნება გამოკვლელი საყოველთაოდ ცნობილი ფაქტებიდა ძალაში შესული სასამართლო აქტები.
რაც შეეხება მოთხოვნის დაკმაყოფილებულ ნაწილს – როგორც საკონსტიტუციო სასამართლოს თავმჯდომარემ განაცხადა, სარჩელში მითითებული ცალკეული მტკიცებულებების განხილვის შესაძლებლობა მხარეებს სხდომაზე მიეცემათ.
სარჩელზე ნაწილობრივ დაკმაყოფილდეს მოპასუხე მხარის “ლელო-ძლიერი საქართველოს” შუამდგომლობა – სარჩელში მითითებული ყველა ინტერნეტ-ბმულის სასამართლო პროცესზე დემონტრირების ნაწილში არ დაკმაყოფილდეს, ასევე სასამართლო სხდომაზე არ მოახდენს საკონსტიტუციო სასამართლოს რეგლამენტის 31-ე მუხლით გათვალისიწნებული საყოველთაოდ ცნობილი ფაქტების ასევე კანონიერ ძალაში შესული სასამართლო აქტების საქმის არსებითი განხილვის სხდომაზე გამოკვლევას, ასევე საქმის განხილვის პროცესში განიხილავს სარჩელში მითითებული ცალკეული მტკიცებულებების რელევანტურობას მისი სადავოობისას, როგორც მხარის დასაბუთებული შუამდგომლობით, ისე საკუთარი ინიციატივით. განჩინება საბოლოო და გადასინჯვას არ ექვემდებარება”, – თქვა რევაზ ნადარაიამ.