ბიზნესმენმა და პარტიის, “სოლიდარობა მშვიდობისთვის, ლიდერმა მამუკა ფიფიამ პროპაგანდისტულ Соловьёв LIVE-თან ჩაწერილ ინტერვიუში საქართველოში რუსული ენის მხარდაჭერასა და მის პოპულარიზაციაზე ისაუბრა
“ჩვენი ერთ-ერთი მიზანია საქართველოში რუსული ენის მხარდაჭერა და მისი მაქსიმალურად პოპულარიზაცია.
საქმე ისაა, რომ მე სახელმწიფო დუმის დსთ-ს საკითხთა კომიტეტის ექსპერტი ვარ. ვხედავ, რამდენად დიდი ყურადღება ეთმობა რუსულ ენას სხვა ქვეყნებში – ტაჯიკეთში, უზბეკეთში, ყირგიზეთში, ყაზახეთში, ბელარუსსა და ყოფილი საბჭოთა კავშირის სხვა რესპუბლიკებში, და ვხვდები, რომ საქართველო ჩამორჩება.
ჩვენი ძირითადი კლიენტები, ჩვენი მთავარი ტურისტები და, ზოგადად, ადამიანები, რომლებთანაც ურთიერთობა გვაქვს, ძირითადად რუსულენოვანები არიან. არავითარ შემთხვევაში არ უნდა დავუშვათ, რომ საქართველოში რუსული ენა დაიკარგოს. მას მხარდაჭერა და განვითარება სჭირდება
კიდევ ერთხელ ვიმეორებ, ეს ჩვენსავე ინტერესებში შედის და არა – რუსების. რუსები როგორმე აიტანენ იმას, თუ საქართველოში რუსულად კარგად ვერ ისაუბრებენ. მაგრამ ეს ჩვენ გვჭირდება, რადგან არსებობენ აზერბაიჯანელები, სომხები, უკრაინელები, ბელარუსები, მოლდოველები – ყველა მათგანი რუსულად საუბრობს.
ამიტომ, რუსული ენა გვჭირდება და ჩვენ საქართველოში რუსულ ენას მხარს დავუჭერთ. გარდა ამისა, თუ პრეზიდენტისა და საქართველოს პრემიერმინისტრის მხარდაჭერა გვექნება, იგეგმება რუსულ-სლავური უნივერსიტეტის გახსნაც” – ნათქვამია ინტერვიუში