“ბრძოლა და შეუპოვრობა იმარჯვებს“ – ალეკო ელისაშვილი

ხედავთ, სერბეთიდან და ევროპიდან როგორი ქარი უბერავს. ილია ჭავჭავაძის ლექსი რომ არის: „მესმის, მესმის სანატრელი“… გარიბალდის აჯანყებაზე და პროცესები, რაც ევროპის მასშტაბით მიმდინარეობს, კერძოდ, სერბეთში ალექსანდრ ვუჩიჩისა და უნგრეთში ვიქტორ ორბანის დამარცხება, საქართველოზეც აისახება – ასეთ პროგნოზს აკეთებს ალეკო ელისაშვილი.

ოპოზიციის ერთ-ერთი ლიდერი ამბობს, რომ ბრძოლა და შეუპოვრობა იმარჯვებს:

„ხედავთ, სერბეთიდან და ევროპიდან როგორი ქარი უბერავს. ილია ჭავჭავაძის ლექსი რომ არის: „მესმის, მესმის სანატრელი“, გარიბალდის აჯანყებაზე და ბრძოლაზე რომ დაწერა, აი, ეგ ისმის ევროპიდან.

14 წელი იყო ვუჩიჩი ხელისუფლებაში, რომელმაც სერბეთს უარესი დამართა, ვიდრე აქ ხდება, მაგრამ ფარ-ხმალი არ დაყარეს, იბრძოლეს და ბოლოში გავიდნენ. მანამდე ორბანი ჩამოაგდეს.

ეს მოხდება ცოტა ხანში აქაც. მაგრამ მთავარი რა არის? მე რაც არ მომწონს, ის არის, რომ იმედგაცრუებაა და ხელები ჩამოყრილია – არავითარ შემთხვევაში! ბრძოლა და შეუპოვრობა იმარჯვებს“,- განაცხადა ალეკო ელისაშვილმა.

სერბეთში გამართულ საპარლამენტო არჩევნებზე, „სერბეთის პროგრესული პარტია” ალექსანდრ ვუჩიჩის ლიდერობით არჩევნებში, „სტუდენტურ სიასთან“ დამარცხდა.