2026-2027 სასწავლო წლის ზამთრის პერიოდში ორგანიზებულ საგნის გამოცდაზე მასწავლებლებს რეგისტრაციის გავლა ვებგვერდზე online.naec.ge – 30 ოქტომბრის 18:00 საათამდე შეუძლიათ. ინფორმაციას შეფასებისა და გამოცდების ეროვნული ცენტრი ავრცელებს.
დეტალური ინფორმაცია იმის შესახებ, თუ ვის აქვს გამოცდაში მონაწილეობის უფლება, იხილეთ ბმულზე. მასწავლებლის საგნის გამოცდისათვის რეგისტრაციის დაწყებამდე აუცილებელია გამოცდის საფასურის (50 ლარი) გადახდა.
გადახდის შესაძლო საშუალებები და საბანკო მომსახურების საკომისიო:
„საქართველოს ბანკის“ გადახდების პლატფორმით bogpay.ge – საფასურს ემატება მომსახურების საკომისიო 0.5 ლარი + 1,2%. გადახდა შესაძლებელია ნებისმიერი ქართული ბანკის ბარათით. იხილეთ დეტალური ინსტრუქცია
„საქართველოს ბანკის“ თვითმომსახურების ტერმინალით – საფასურს ემატება მომსახურების საკომისიო 0,5 ლარი. იხილეთ დეტალური ინსტრუქცია
„საქართველოს ბანკის“ ინტერნეტბანკინგის საშუალებით – ibank.ge – საფასურს ემატება მომსახურების საკომისიო 0.5 ლარი. იხილეთ დეტალური ინსტრუქცია
„საქართველოს ბანკის“ მობილური აპლიკაციით – mBank – საფასურს ემატება მომსახურების საკომისიო 0.5 ლარი. იხილეთ დეტალური ინსტრუქცია.
აპლიკანტი, რომელიც გამოცდების დროს საჭიროებს სპეციალურ პირობებს, ვალდებულია მიმდინარე წლის 20 ოქტომბრის 10:00 საათიდან 5 ნოემბრის 18:00 საათამდე ცენტრში წარმოადგინოს შესაბამისი ცნობა (ფორმა №IV-100/ა) რაიმე ტიპის ფუნქციონალური დარღვევის თაობაზე.
აპლიკანტს, რომელმაც გაიარა რეგისტრაცია, უფლება აქვს უარი განაცხადოს გამოცდაში მონაწილეობაზე და მის მიერ ტესტირებაში მონაწილეობის მიზნით გადახდილი საფასურის დაბრუნების თაობაზე მიმდინარე წლის 30 ოქტომბრის 18:00 საათამდე განცხადებით მომართოს სსიპ – შეფასებისა და გამოცდების ეროვნულ ცენტრს.
დეტალური ინფორმაცია გამოცდის ჩატარების თარიღისა და განრიგის შესახებ მოგვიანებით გამოქვეყნდება.შეფასებისა და გამოცდების ეროვნული ცენტრი დაინტერესებულ პირებს მოუწოდებს, გაეცნონ გამოცდაში მონაწილეობის პირობებს და რეგისტრაცია დადგენილ ვადებში გაიარონ.