ერთი საუკუნის წინ „ენჯეოები“ არ არსებობდნენ, შემდეგ მოიგონეს და იყენებდნენ, როგორც უცხოური ინტერვენციის მთავარ ინსტრუმენტს, ამის არაერთი მაგალითი ვნახეთ საქართველოში. შესაბამისად, ჩვენ მოვიგონოთ „ენჯეოები“ და ასეთი რამ დავაფინანსოთ, არასწორია, – ამის შესახებ ირაკლი კობახიძემ ჟურნალისტებს განუცხადა.
კობახიძის თქმით, გრანტების მართვის სააგენტო არის მილევად რეჟიმში და წლის ბოლომდე დაიხურება.
„ენჯეო“ არის ხელოვნური ფენომენი, არის მოგონილი ხელოვნურად, უცხოური პოლიტიკური ინტერვენციისთვის. ჩვენ როდესაც შევქმენით შესაბამისი სააგენტო, გამოჩნდა, რომ ეს ასეა. „ენჯეო“, თავისთავად, არის ხელოვნური ფენომენი. „ენჯეოს“ ერთადერთი მიზანი შეიძლება იყოს ერთი სახელმწიფოს ინტერვენცია მეორე სახელმწიფოში. ამისთვის მოიგონეს „ენჯეოები“ თავის დროზე. ერთი საუკუნის წინ „ენჯეოები“ არ არსებობდნენ. შემდეგ მოიგონეს და „ენჯეოებს“ იყენებდნენ, როგორც უცხოური ინტერვენციის მთავარ ინსტრუმენტს. ამის არაერთი მაგალითი ვნახეთ საქართველოში. შესაბამისად, ჩვენ მოვიგონოთ „ენჯეოები“ და ასეთი რამ დავაფინანსოთ, არასწორია, შესაბამისად, ამის გამო მივიღეთ ასეთი გადაწყვეტილება“, – განაცხადა ირაკლი კობახიძემ.