8000 აბიტურიენტი, რომელსაც სტუდენტობა შეუძლია, ვერ მოხვდა ვერც ერთ უნივერსიტეტში, რადგან მათი ადგილი ფიზიკურად არ არის და ეს მხოლოდ იმიტომ, რომ რეჟიმმა ასე გადაწყვიტა – ამის შესახებ ნიკა გვარამია სოციალურ ქსელში წერილს ავრცელებს.
“დღეს ჩარიცხვების დღეა და უმაღლესი განათლების კატასტროფა საუკეთესოდ ჩანს:
მინიმალური კომპეტენციის ზღვარი გადალახა 29500მა აბიტურიენტმა. ანუ თავად განათლების სამინისტროს საგამოცდო პოლიტიკა გვეუბნება, რომ ამდენ სტუდენტს შეუძლია ისწავლოს უმაღლეს საფერხურზე.
აქედან მხოლოდ 21300 გახდა სტუდენტი. ანუ 8000 აბიტურიენტი, რომელსაც სტუდენტობა შეუძლია და უნდა, ვერ მოხვდა ვერც ერთ უნივერსიტეტში, რადგან მათი ადგილი ფიზიკურად არ არის. და ეს მხოლოდ იმიტომ, რომ რეჟიმმა ასე გადაწყვიტა და გაუგებარი მიზეზებით შეამცირა მისაღები ადგილები.
ასე დარჩა 8000 ქართველი ბავშვი, რომელსაც უნდა და შეუძლია სწავლა, განათლების სისტემის მიღმა, ქუჩაში” – წერს ნიკა გვარამია სოციალურ ქსელში.