ასტროლოგიაში არსებობს განსაკუთრებული პერიოდი, რომელსაც „უკურსო მთვარეს“ ვუწოდებთ. რეალურად, ეს ის დროა, როდესაც მთვარე კონკრეტულ ზოდიაქოს ნიშანში სხვა პლანეტებთან ყველა ძირითად ასპექტს ასრულებს, თუმცა მომდევნო ნიშანში ჯერ არ გადასულა.
ამ გარდამავალ შუალედში ის დანარჩენ პლანეტებთან ენერგეტიკულ კავშირს დროებით წყვეტს და ერთგვარ კოსმოსურ ვაკუუმში ექცევა. რადგან მთვარე დედამიწაზე მიმდინარე მოვლენების დინამიკას განაგებს, მისი „დასვენების“ საათებში წამოწყებული ნებისმიერი საქმე წინსვლის პერსპექტივას კარგავს. მოვლენები მხოლოდ ინერციით მიდის, ჩვენი ძალისხმევა უშედეგო რჩება და ენერგია ჰაერში იფანტება.
იმისათვის, რომ აგვისტომ ზედმეტი სტრესისა და ფუჭი მოლოდინების გარეშე ჩაიაროს, გთავაზობთ ახალ ასტრო-ნავიგაციას:
რაზე ვამბობთ უარს? ამ დროს დაწყებული ნებისმიერი საქმე თავიდანვე ჩიხში შესვლისთვის არის განწირული.
ფინანსური რისკები და სესხები: მოერიდეთ ვალის აღებას, ნივთის განვადებით შეძენას ან ფულის გასესხებას. გაცემული თანხა უკან ძალიან დაგვიანებით დაგიბრუნდებათ, ან დაბრუნებასთან დაკავშირებით პრობლემები შეიქმნება.
ახალი იდეების სტარტი: თუ ამ პერიოდში ახალ პროექტს ან პროდუქტს საზოგადოებას წარუდგენთ, ის აუცილებლად ყურადღების მიღმა დარჩება. მნიშვნელოვანი პრეზენტაციებისთვის ეს ყველაზე შეუფერებელი დროა.
მნიშვნელოვანი დაპირებები: ნუ ენდობით მათ, ვინც ამ საათებში ოქროს მთებს გპირდებათ და ნურც თქვენ დაიტვირთავთ თავს ზედმეტი ვალდებულებებით. ეს სიტყვები მალევე დაკარგავს ძალას.
მნიშვნელოვანი შოპინგი: ამ დროს ნაყიდი ტექნიკა შეიძლება მალევე გამოვიდეს მწყობრიდან, პრობლემები შეიძლება შეექნას ახალ ტანსაცმელსაც.
გარეგნობის რადიკალური შეცვლა: არ გირჩევთ თმის ახალ სტილზე შეჭრას ან ისეთი კოსმეტოლოგიური პროცედურის ჩატარებას, რომელიც აქამდე არ გიცდიათ. საბოლოო შედეგმა მოსალოდნელია იმედი გაგიცრუოთ… განაგრძეთ კითხვა