მიმდინარე კვირაში პარლამენტში ირაკლი კობახიძის ყოველწლიური ანგარიშის მოსმენასთან ერთად, სახალხო დამცველის, გენერალური პროკურორისა და გენერალური აუდიტორის ანგარიშების მოსმენაა დაგეგმილი.
ამის შესახებ პარლამენტის თავმჯდომარემ, შალვა პაპუაშვილმა განაცხადა.
„23 ივნისს კანონპროექტების განხილვასთან ერთად, გვექნება სახალხო დამცველის ანგარიშის მოსმენა. 24 ივნისს გვექნება გენერალური პროკურორის ანგარიშის მოსმენა. 25 ივნისს გვექნება გენერალური აუდიტორის ანგარიშის მოსმენა და 26 ივნისს გვექნება პრემიერ-მინისტრის წლიური ანგარიშის მოსმენა. ასე დავასრულებთ საგაზაფხულო სესიას.
გარდა ამისა, კანონპროექტებთან ერთად, ჩვენ გვაქვს ასევე საზოგადოებრივი მაუწყებლის სამეურნეო საბჭო დასაკომპლექტებელი. 3 ვაკანსიაზე იყო გამოცხადებული კონკურსი. გაიარა კომისია. წარედგინა ფრაქციებს, ფრაქციებმა დაასახელეს კვოტიდან გამომდინარე მათთვის სასურველი კანდიდატები და კენჭისყრა ხვალ გვექნება ამ კანდიდატებთან დაკავშირებით. შესაბამისად, ოთხივე დღე დაგვჭირდება პლენარული სხდომებისთვის“,- განაცხადა პაპუაშვილმა.