აჭარის მთავრობის თავმჯდომარე ზურაბ პატარაძემ უმაღლეს საბჭოში, მთავრობის საქმიანობის შესახებ ანგარიში წარადგინა.
ზურაბ პატარაძის განცხადებით, რეგიონის მთავრობას ამბიციური გეგმები აქვს, რასაც გუნდთან ერთად ერთობლივი მუშაობით მიაღწევს.
მან ისაუბრა ინფრასტრუქტურულ პროექტებზე, რეგიონში ტურიზმის განვითარებაზე, დაწყებულ და სამომავლო პროექტებზე, მათ შორის მაგისტრალური გზების მშენებლობაზე, ახალი სკვერების მოწყობაზე, არდაგანის ტბის რეაბილიტაციაზე, შადრევნების გამოცვლასა და ბულვარის რეაბილიტაციაზე.
მისი თქმით, მდინარე ჭოროხზე ახალი ხიდის მშენებლობა იგეგმება, რაც გონიოს ბათუმთან დააკავშირებს. მან განსაკუთრებული ყურადღება სოციალური და ჯანდაცვის მიმართულებით გაამახვილა. პატარაძის თქმით, ამ მიმართულებით სამომავლოდ ბიუჯეტი გაიზრდება.
ამ წუთებში რეგიონის პირველ პირს, აჭარის უმაღლესი საბჭოს წევრები შეკითხვებით მიმართავენ.