რუსეთში, კრასნოდარის მხარეში ბენზინის დეფიციტი დაიწყო. Telegram არხებზე გავრცელებული ინფორმაციით, ბენზინგასამართი სადგურების ნაწილი დაკეტილია, მძღოლები კი საწვავს ეძებენ.
ამავე ცნობებით, ადგილობრივი ხელისუფლება მიზეზად მომარაგების მიზნით საწვავზე გაზრდილ მოთხოვნას და საწვავის ობიექტებსა და ინფრასტრუქტურაზე უკრაინული დრონების მასირებულ თავდასხმებს ასახელებს.
საწვავის კრიზისია ანექსირებულ ყირიმშიც, სადაც 30 მაისიდან შეზღუდვები მოქმედებს – ერთ მანქანაზე მხოლოდ 20 ლიტრი ბენზინი გაიცემა.