ბათუმში, ბაგრატიონის ქუჩის 131 ნომერში მცხოვრები მოქალაქეები საპროტესტო აქციას მართავენ. ადგილზე შეკრებილები კორპუსის მშენებლობას აპროტესტებენ.
მათი თქმით, კორპუსის მშენებლობამ, მოქალაქეების საცხოვრებელი კორპუსი დააზიანა. ადგილობრივების მტკიცებით, მშენებლობის შედეგად, კედლები დაიბზარა.
აქციის მონაწილეებმა, სამშენებლო მოედნის მთავარი შესასვლელი ჩაკეტეს, სადაც მცირე ხმაური იყო. მოქალაქეები მძიმე ტექნიკას მუშაობის შესაძლებლობას არ აძლევენ.
„მოვიდნენ ექსპერტები და თავად ნახავენ რა მდგომარეობაშია ჩვენი საცხოვრებელი კორპუსი, წინა წლებში ბზარები არ ყოფილა, ახლა აქ საცხოვრებლად არ არის უსაფრთხო. კორპუსი შენდება ჩვენი საცხოვრებელი კორპუსის გვერდით, რაც დიდ საფრთხეს წარმოადგენს“, – ამბობენ შეკრებილები.