ლევან ჯანგველაძის მკვლელობის საქმეზე მსჯელობა სასამართლოში დასრულდა, თუმცა გამოძიებას მთავარი ფიგურანტი პასუხისგებაში არ მიუცია. პროკურატურა ამტკიცებს, რომ ლევან ჯანგველაძის მკვლელობა ე.წ კანონიერი ქურდის ასლან უსოიანის შვილიშვილმა შეუკვეთა. ითქვა მოტივიც – პროკურორის მტკიცებით, ირაკლი უსოიანს ლევან ჯანგველაძის მიმართ პირადი ინტერესი ჰქონდა, რადგან სჯეროდა, რომ ბაბუის მკვლელობაში ჯანგველაძეების ხელი ერია.
გამოძიების ვერსიით, ირაკლი უსოაიანი ლევან ჯანგვლაძესთან ბიზნესდაპირისპირებაში მყოფ ოთარ ფარცხალაძეს და მიქაძეებს დაუკავშირდა და მკვლელობა შეუკვეთა. პროკურორის თქმით, ამ ყველაფერს ასაბუთებს მტკიცებულებები, მათ შორის, პოლიციელ რომიკო გოგიაშვილის ჩვენება. ისმის კითხვა – მაშინ რა უშლიდა ხელს გამოძიებას საქმე აღეძრა უსოაიანის წინააღმდეგ? საბრალდებო უწყების წარმომადგენელმა დღეს არ გამორიცხა, რომ უახლოეს მომავალში უსოაინის წინააღმდეგ საგამოძიებო მოქმედებები დაიწყოს.
გასული წლის ყველაზე გახმაურებულ საქმეზე საქალაქო სასამართლოში დღეს ბოლო სხდომა ჩატარადა. ლევან ჯანგველაძის მკვლელობის საქმის 3 ბრალდებულიდან საბრალდებოს კამზე მხოლოდ ერთი გიორგი მიქაძე ზის და მოსამართლის ვედიქტს დარბაზში 6 მაისს დაელოდება. ვიდრე გადაწყვეტილებას გამოაცხადებს მოსამართლე რომეო ტყეშელაძვლი გიორგი მიქაძეს კიდევ ერთხელ მოუსმენს – ბრალდებულმა დღეს თქვა რომ საქმეზე საუბარი სურს.