“ჰორმუზის სრუტე ან ყველასთვის მშვიდობისა და კეთილდღეობის სრუტე იქნება, ან ომის მომხრეებისთვის დამარცხებისა და ტანჯვის სრუტე” – ირანის ეროვნული უშიშროების საბჭოს მდივანი, ალი ლარიჯანი

ირანის უმაღლესი ეროვნული უშიშროების საბჭოს მდივანი ალი ლარიჯანი განცხადებას ავრცელებს.

“ჰორმუზის სრუტე ან ყველასთვის მშვიდობისა და კეთილდღეობის სრუტე იქნება, ან ომის მომხრეებისთვის დამარცხებისა და ტანჯვის სრუტე” – წერს ირანის უმაღლესი ეროვნული უშიშროების საბჭოს მდივანი ალი ლარიჯანი X-ზე.

მანამდე აშშ-ის პრეზიდენტმა დონალდ ტრამპმა განაცხადა, რომ აშშ-ის საზღვაო ძალები საჭიროების შემთხვევაში ჰორმუზის სრუტეში ტანკერებს დაიცავს. ირანის რევოლუციურმა გვარდიამ კი მის საპასუხოდ თქვა, რომ ისინი აშშ-ის სამხედრო ძალებს ჰორმუზის სრუტეში ელოდებიან, სადაც რეგიონში მიმდინარე მოვლენების გამო მოძრაობა ამ დრომდე შეზღუდულია.