ევროკომისიის მიერ 6 მარტს საქართველოს დიპლომატიური, სამსახურებრივი და ოფიციალური პასპორტების მფლობელებისთვის უვიზო მიმოსვლის შეჩერებას გია ვოლსკი ეხმაურება და გადაწყვეტილებას უსამართლოს უწოდებს.
“ვიზების აღება აუცილებელია, თუკი წასვლა გადავწყვიტეთ. გადაწყვეტილებასთან დაკავშირებით მე ვერაფერს ვერ გეტყვით ამ ეტაპზე. ჩემზე კომპეტენტურები იტყვიან, თუმცა ფაქტია, რომ გადაწყვეტილება მიღებულია. საკმაოდ უსიამოვნო, მაგრამ რაც მთავარია, უსამართლო გადაწყვეტილებაა მიღებული, რომ ჩვენ არ შეგვიძლია ჩვენი დიპლომატიური და სამსახურებრივი პასპორტებით ვიმგზავროთ ” -ამბობს ვოლსკი.
ევროპარლამენტში საქართველოს შესახებ მორიგი რეზოლუციის მიღებას აპირებენ. ჯერჯერობით დოკუმენტი სამუშაო პროცესშია. ოთხშაბათს ბრიუსელში საგანგებო დებატებია ჩანიშნული, თუმცა უცნობია, დაესწრებიან თუ არა მას ოცნების წარმომადგენლები.