საგზაო ნიშნებს ახალი ამკრძალავი ნიშანი – „გაჩერება აკრძალულია სახანძრო ჰიდრანტთან“ დაემატება. აღნიშნული ამკრძალავი ნიშნის მოთხოვნის დაუცველობა მძღოლის 200 ლარის ოდენობით დაჯარიმებას გამოიწვევს.
ეს ერთ-ერთია იმ ცვლილებათა შორის, რომელიც შინაგან საქმეთა სამინისტროს ინიციატივით „ადმინისტრაციულ სამართალდარღვევათა კოდექსში“ და ასევე, „საგზაო მოძრაობის შესახებ“ კანონში ხორციელდება. ახალი საკანონმდებლო პაკეტი საგზაო-სატრანსპორტო წესების დარღვევაზე არსებულ ჯარიმებს ზრდის და პასუხისმგებლობას ამკაცრებს.