ისრაელის სამხედრო უწყება აცხადებს, რომ მათ ღაზაში უკანასკნელი დარჩენილი მძევლის, რან გვილის, ნეშტი აღმოაჩინეს და ის ისრაელის ტერიტორიაზე გადმოასვენეს.
გვილი 2023 წლის 7 ოქტომბერს ტყვედ აიყვანეს.
ეს ნაბიჯი აშშ-ს პრეზიდენტ დონალდ ტრამპის მიერ წარდგენილი გეგმის საწყისი ფაზის ერთ-ერთ მთავარი პირობის დაკმაყოფილებაა, რომელიც რეგიონში მიმდინარე ომის დასრულებას ისახავს მიზნად.
ისრაელის განცხადებით, ნეშტის დაბრუნებამ შესაძლოა, ხელი შეუწყოს ღაზასა და ეგვიპტეს შორის რაფაჰის სასაზღვრო გამშვები პუნქტის ნაწილობრივ ამოქმედებას.
ეროვნულმა კომიტეტმა ღაზის ადმინისტრირებისთვის განაცხადა, რომ გამშვები პუნქტი, სავარაუდოდ, მიმდინარე კვირაში ამოქმედდება, თუმცა კონკრეტული თარიღი ჯერჯერობით არ დასახელებულა.
პრემიერმინისტრმა ბენიამინ ნეთანიაჰუმ ცხედრის აღმოჩენა “ისრაელის სახელმწიფოსთვის დაუჯერებელ მიღწევად” შეაფასა.