ილია ღუდუშაურამდე დაკავებული იყო მისი ძმა, თავდაცვის სამინისტროს შესყიდვების დეპარტამენტის ყოფილი უფროსი ვლადიმერ ღუდუშაური.
ვლადიმერ ღუდუშაური პატიმრობიდან გასული წლის ოქტომბერში, პროკურატურის შუამდგომლობის საფუძველზე გათავისუფლდა. საგამოძიებო უწყებამ აღკვეთის ღონისძიების, პატიმრობის გირაოთი შეცვლა მოითხოვა
თავდაცვის სამინისტროს შესყიდვების დეპარტამენტის ყოფილი უფროსი, ვლადიმერ ღუდუშაური, ჯგუფის მიერ დიდი ოდენობით თანხის გაფლანგვის ბრალდებით 2025 წლის ივლისში დააკავეს. მასთან ერთად დააკავეს თავდაცვის მინისტრის ყოფილი მოადგილე, გიორგი ხაინდრავა და ჯუანშერ ბურჭულაძის ცოლის ძმა, ვასილ მხეიძე. პატიმრობაშია თავდაცვის ყოფილი მინისტრი ჯუანშერ ბურჭულაძეც.
გამოძიების ინფორმაციით, ჯუანშერ ბურჭულაძის მოადგილემ, გიორგი ხაინდრავამ და თავდაცვის სამინისტროს შესყიდვების დეპარტამენტის იმდროინდელმა უფროსმა, ვლადიმერ ღუდუშაურმა ბურჭულაძის ცოლის ძმის, ვასილ მხეიძის დახმარებით, სამინისტროს მიერ სამხედრო ჰოსპიტლისთვის, მაგნიტურ-რეზონანსული ტომოგრაფის აპარატის შეძენის პროცესში მიზანმიმართული ქმედებებით არაკონკურენტული გარემო შექმნეს და თავდაცვის სამინისტროს კუთვნილი 1 333 728 ლარი გაფლანგეს.
ჯანდაცვის მინისტრის ყოფილი მოადგილე ილია ღუდუშაური გასულ ღამეს დააკავეს. უცნობია რას ედავებიან ყოფილ მაღალჩინოსას.