თბილისის მერიის ინფორმაციით, სანიაღვრე სისტემის სარეაბილიტაციო სამუშაოების გამო 27 იანვარს 00:00 საათიდან 05:00 საათამდე საბურთალოსა და დიდუბის რაიონებში კონკრეტულ გზებზე მოძრაობა შეიზღუდება.
“სანიაღვრე ქსელის სარეაბილიტაციო სამუშაოების გამო, 27 იანვარს, 00:00 საათიდან 05:00 საათამდე ორ მისამართზე საგზაო მოძრაობა დროებით შეიზღუდება: საბურთალოს რაიონში საავტომობილო მოძრაობა შეიზღუდება გიორგი სააკაძის დაღმართიდან მარჯვენა სანაპიროსკენ ჩამავალ გზაზე; ხოლო დიდუბის რაიონში შეზღუდვა იმოქმედებს დავით აღმაშენებლის გამზირი N193-ის მიმდებარედ საავტობუსო ზოლში. აღნიშნულ მისამართებზე სანიაღვრე ჭების შეცვლას შპს “თბილსერვის ჯგუფი” უზრუნველყოფს. თბილისის მერია და „თბილსერვის ჯგუფი“ ბოდიშს გიხდით შეფერხებისთვის!” – ნათქვამია განცხადებაში.