მზია ამაღლობელის გათავისუფლების მოთხოვნით გამართული მარშის მონაწილეები პარლამენტთან მივიდნენ.
ამ დროისთვის საპროტესტი მარშის მონაწილეები რუსტაველის გამზირზე აქციას მართავენ.
დღეს მარში მარჯანიშვილის მეტროს მიმდებარე ტერიტორიიდან დაიძრა.
ჟურნალისტ მზია ამაღლობელის დაკავებიდან დღეს ზუსტად ერთი წელი გავიდა. მას 6 აგვისტოს, 2 წლით თავისუფლების აღკვეთა შეეფარდა. კერძოდ, მას მსჯავრი წარედგინა სისხლის სამართლის კოდექსის 353-ე მუხლის პირველი ნაწილით, რომელიც ითვალისწინებს წინააღმდეგობას, მუქარას ან ძალადობას საზოგადოებრივი წესრიგის დამცველის ან ხელისუფლების სხვა წარმომადგენლის მიმართ. აღნიშნული ქმედებისთვის სასჯელის სახით გათვალისწინებულია ჯარიმა, შინაპატიმრობა 2 წლამდე ვადით და ასევე თავისუფლების აღკვეთა 2-იდან 6 წლამდე ვადით.