მიუხედავად ახალი რეგულაციებისა, რომლებიც მოქალაქეებს პროტესტის გამოხატვას ტროტუარზეც უზღუდავს, მოქალაქეები კვლავ რუსთაველის გამზირზე, პარლამენტის წინ შეიკრიბნენ.
აქციის მონაწილეების განცხადებით, პროტესტი არ გაჩერდება. მათი თქმით ისინი კვლავ შეიკრიბებიან პარლამენტთან და მსვლელობებსაც მოაწყობენ.
“რაც არ უნდა იყოს, ფაქტია, რომ ძალიან ძნელია დღეს რაიმე კანონით აუკრძალო ხალხს პროტესტის გამოხატვა და თუ ჩვენ ვხედავთ ამას, რომ პროტესტის გამოხატვის საუკეთესო საშუალებად გვესახება მსვლელობა, მე დარწმუნებული ვარ, რომ ამას გავაგრძელებთ მანამ, სანამ არ იქნება შესრულებული ჩვენი უმთავრესი მოთხოვნები, კერძოდ გათავისუფლდეს ყველა პოლიტპატიმარი და გამოცხადდეს ახალი არჩევნები,” – ამბობს აქციის მონაწილე.
აქციის მონაწილეები კვლავ პოლიტიკური პატიმრების გათავისუფლებასა და ახალი სამართლიანი არჩევნების ჩანიშვნას ითხოვენ.