ვფიქრობ, რომ 2022 წელი პანდემიის ბოლო წელი იქნება, – ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის გენერალური დირექტორის მოადგილე პაატარ იმნაძემ “ჯორჯიან თაიმსი”-ს გადაცემაში “ჩაი” ეკა ბესელიას კითხვის საპასუხოდ განაცხადა.
ამასთან, იმნაძე აღნიშნავს, რომ კორონავირუსი დროთა განმავლობაში სეზონურად ვირუსად გარდაიქმნება.
“კორონავირუსი არის “ერენემ” – ვირუსი, რომელშიც ძალიან ბევრი მუტაცია ხდება. საერთოდ ყველა ცოცხალ ორგანიზმში სულ ხდება მუტაცია… აი, ახლა მე და თქვენ რომ ვლაპარაკობთ, ჩვენი რგანიზმშის უჯრედებშიც ხდება ეს მუტაციები… უფრო გავამარტივებ, აი, რა არის კიბო?! – ჩვენი რომელიღაც უჯრედი გადაგვარდა, მუტაცია მოხდა და უკონტროლოდ დაიწყო ზრდა, აი, ეს არის კიბო. ამიტომ ეს ყველა ორგანიზმში ხდება, მაგრამ ჩვენს ორგანიზმში არის იმუნური, დამცველობით სისტემა (სხვათაშორის ესეც უნდა ამოიცნოს დროზე, რომ რომელიღაც უჯრედმა დაკარგა თავის ფუნქცია და ებრძოლოდ მას), მაგრამ ცოცხალ ორგანიზმებში, იგივე ვირუსებში ეს მუტაციები რომ ხდება, თუ ძალიან ფილოსოფიაში გადავვარდებით, “არ აწყობს” რომ ჩვენ მოგვკლას, რადგან მას ცოცხალი უჯრედი სჭირდება გამრავლებისთვის. ამიტომ ასე თუ შევხედავთ, ის ვირუსი ჩვენ უნდა მოგვერგოს, კარგად იცხოვროს ჩვენს ორგანიზმში, მერე სხვაზე გადავიდეს… აქედან გამომდინარე, უფრო მეტი შანსი ექნება სხვაზე გადასვლის, თუ უცებ მოგვკლა, ვერ გადავა სხვაზე, შეიძლება ვერ მოასწროს, ამიტომ, ეს ბუნების კანონები, ძალიან რთულია ამას ვინმე წინ აღუდგეს, ეს მუტაციები სულ მოხდება, მაგრამ წესით და რიგით თუ ასე იქნება, უნდა მოველოდოთ, რომ კორონას შემდეგი ვარიანტები უფრო მსუბუქისკენ წავიდეს და ყველა ვარიანტში მიმაჩნია, რომ 2022 წელის პანდემიის ბოლო წელი იქნება. მერე ალბათ, კორონა სეზონურ ვირუსად გარდაიქმნება”, – ამბობს პაატა იმნაძე მაკა რაზმაძესთან ინტერვიუში.