აქტივისტი, კონსტანტინე (კოკო) მიქაიას მამა, კახა მიქაია, დააკავეს. სავარაუდოდ, მას ბრალად ედება ნიღბის ტარება ან გზის გადაკეტვა.
შეგახსენებთ, იმავე ბრალდებით დააკავეს დღეს მისი შვილიც კონსტანტინე (კოკო) მიქაიაც.
კახა მიქაიამ დაკავებამდე მედიასთან კომენტარი გააკეთა და კონსტანტინეს დაკავებაზე ისაუბრა.
“კოკო არის ძალიან აქტიური, კოკო გააგრძელებს ბრძოლას, ჩვენ უკვე ოჯახით ვიბრძვით რუსული დიქტატურის წინააღმდეგ, ბიძინა რუსის წინააღმდეგ და ეს ბრძოლა გაგრძელდება. ამით ბიძინა ვერც მე შემაშინებს, ვერც პირველ რიგში კოკოს, ვერც ჩემ შვილებს და ვერც ქართულ საზოგადოებას.
ბრძოლა გაგრძელდება ბოლომდე, სანამ საქართველო არ დაიბრუნებს თავის ევროპულ მომავალს, სანამ საქართველო არ გათავისუფლდება რუსული რეჟიმისგან. მე დარწმუნებული ვარ ამაში. ქართული საზოგადოება საკუთარ თავს არ მისცემს იმის უფლებას, რომ დაემონოს და დაემორჩილოს კრემლს და მის დამესნიკს, ბიძინა ივანიშვილს,” – განაცხადა კახა მიქაიამ.