“ქეთას იმ დროიდან ვიცნობ, როცა ჟურნალისტიკაში პირველი ნაბიჯების გადადგმას იწყებდა. მას შემდეგ ბევრი წელია გასული, და ამ დროის განმავლობაში ერთხელაც არ შეშლია არც კოლეგიალობა, არც მეგობრობა და, რაც ყველაზე მთავარია — მოქალაქეობრიობა. როგორ შეიძლება ქვეყნისთვის უკეთესი იყოს ასეთი ადამიანის ციხეში ყოფნა?” – ამის შესახებ საზოგადოებრივი მაუწყებლის ჟურნალისტი, გენო ოსიყმაშვილი საკუთარ ფეისქბუქ გვერდზე წერს.
შეგახსენებთ, რომ გუშინ სასამართლომ ჟურნალისტ ქეთა ციცქიშვილს 5-დღიანი პატიმრობა შეუფარდა. ის შსს-მ საპროტესტო აქციაზე რუსთაველის გამზირის გადაკეტვის ბრალდებით დააკავა.