საზოგადოებრივი მაუწყებლის ჟურნალისტი ბელა ზაქაიძე სოციალურ ქსელში განცხადებას ავრცელებს, რომლითაც “ფორმულას” დაკავებულ ჟურნალისტ ქეთა ციცქიშვილზე საუბრობს.
მისი თქმით, უამრავი სპეცრაზმელია დასასჯელი დაკავებული ადამიანებზე ძალადობის გამო და რატომღაც ქეთა ციცქიშვილი დააკავეს, როგორც საშიში დამნაშავე.
“ვიღაც-ვიღაცეებს რომ გგონიათ, აკრძალვებით და დაკავებებით ჩაახშობთ პროტესტს და უსამართლობას აღარ დავინახავთ ძალიან ცდებით, პირიქით.
გვახსოვს ნოემბერ-დეკემბერში სპეცრაზმელები უკვე დაკავებულ აქციის მონაწილეებს როგორ სასტიკად უსწორდებოდნენ. არავინ დასჯილა მოძალადეებისგან.
სამაგიეროდ ისჯება ქეთა [ციცქიშვილი] ქეთა უფრო “საშიში დამნაშავე” ყოფილა.
ვიღაც-ვიღაცეებს რომ ჰგონიათ დანაშაულებები უნდა “აპრაონ”, პოლიტიკური პარტია უნდა დაიცვან, მისი ძალაუფლებისთვის უნდა იბრძოლონ და არა ჟურნალისტური პრინციპებისთვის, დემოკრატიული ღირებულებებისთვის ძალიან შემცდარხართ. პარტიები დროებითია, ჩვენ ამ პროფესიაში ვრჩებით და საკუთარი კოლეგების დაცვის გამო, ძალადობის გაპროტესტების გამო არ უნდა გვეკრძალებოდეს ჟურნალისტური საქმიანობის უფლება, რომელსაც წლები შევალიეთ. თითქოს შევეგუეთ ჩვენი კოლეგების დაკავებებს, რაც შემზარავია”, – წერს ბელა ზაქაიძე.