შინაგან საქმეთა სამინისტრომ თბილისში, ჯგუფურად თავდასხმის ბრალდებით 5 არასრულწლოვანი დააკავა. როგორც განცხადებაშია აღნიშნული, დაკავებულები უცხო ქვეყნის მოქალაქე ტაქსის მძღოლს ჯგუფურად, ცივი იარაღით თავს დაესხნენ და “ავტომობილის სალონში არსებულ თანხას მართლსაწინააღმდეგოდ დაეუფლნენ”.
“შინაგან საქმეთა სამინისტროს თბილისის პოლიციის დეპარტამენტის არასრულწლოვნების საქმეთა მთავარი სამმართველოს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, 5 არასრულწლოვანი თბილისში დააკავეს.
ჯგუფურად ჩადენილი ყაჩაღობის ბრალდებით დაკავებული არიან:
2009 წელს დაბადებული ქ.ა., 2008 წელს დაბადებული ლ.ზ., 2007 წელს დაბადებული მ.მ.,
2008 წელს დაბადებული ლ.ქ. და 2008 წელს დაბადებული ლ.წ. დანაშაული 9 წლამდე ვადით თავისუფლების აღკვეთას ითვალისწინებს.
გამოძიებით დადგინდა, რომ დანაშაულში ბრალდებული არასრულწლოვნები ცივი
იარაღით, ჯგუფურად თავს დაესხნენ უცხო ქვეყნის მოქალაქე ტაქსის მძღოლს.
ფიზიკური ძალადობისა და სიცოცხლის მოსპობის მუქარის შედეგად, ბრალდებულები
ავტომობილის სალონში არსებულ თანხას მართლსაწინააღმდეგოდ დაეუფლნენ და
შემთხვევის ადგილიდან მიიმალნენ.
ყაჩაღური თავდასხმისას დაშავებული უცხო ქვეყნის მოქალაქე შესაბამისი
სამედიცინო დახმარების გაწევის მიზნით კლინიკაშია გადაყვანილი.
დანაშაული სისხლის სამართლის კოდექსის 179-ე მუხლით მიმდინარეობს”. – წერია განცხადებაში