საბერძნეთში დაკავებულია ახალგაზრდა ქართველი კაცი, რომელმაც ორსულ ცოლს სახის არეში ცივი იარაღით ჭრილობა მიაყენა.
ქალს გადაუდებელი ოპერაცია ჩაუტარდა და ამ ეტაპზე დედისა და ბავშვის სიცოცხლეს საფრთხე არ ემუქრება.
“ის საავადმყოფოში სისხლით დაფარული მივიდა, სახეზე ჩანგლისგან ჭრილობები ჰქონდა. მან თქვა, რომ ეს მისი ქმრის გაკეთებული იყო. თვალები ძალიან სტკიოდა, რადგან ჩანგალი თვალის არეშიც მოხვდა. ის ამჟამად, გინეკოლოგიურ კლინიკაში პოლიციის მეთვალყურეობის ქვეშ მკურნალობს. ოპერაცია გუშინ ჩაუტარდა. რთული სიტუაციაა, ჩვენ ვიბრძვით იმისთვის, რომ ქალმა მხედველობა დაიბრუნოს“, – თქვა საბერძნეთის სახელმწიფო საავადმყოფოების წარმომადგენელმა, მიხალის ჯანანოსმა.