გუშინ ღამით, 8 სექტემბერს, კახა კალაძის შტაბთან აქციის მონაწილეებსა და შტაბის წევრებს შორის დაპირისპირება მოხდა, სადაც აქტივისტებს ფიზიკურად გაუსწორდნენ შტაბის წევრები. ამ მოვლენებს არქიმანდრიტი შიო კვარაცხელია სოციალურ ქსელში გამოეხმაურა და პოლიციელებს მოუწოდებს, რომ აღადგინონ ღირსება, დაამყარონ სამართალი და ნუ გახდებიან ხალხისთვის საძულველი რუსული მილიცია.
“ვინ ხართ? სად გაიზარდეთ ან საიდან მოხვედით? მილიციას ამოფარებულო “ვაჟკაცებო’. არაფერია თქვენში კაცური და ქრისტიანული. ან ეს მილიცია რას დაემგვანა, ამ მთავრობის მხარდამჭერებს რანაირად მოგწონთ ეს. ვის გინდათ ასეთი ქალაქის მერი ან ასეთი მახინჯი ხელისუფალი. ნუ დარჩებით ცოდვაში და ნუ დაუჭერთ მხარს მოძალადე ხელისუფალს. ეს ოჯახის სიწმინდის დაცვაა თუ ქრისტიანობის? პოლიციელებო აღიდგინეთ ღირსება და დაამყარეთ სამართალი, ნუ გახდებით ხალხისთვის საძულველი რუსული მილიცია” – წერია არქიმანდრიტი მიმართვაში.