რუსეთის საგარეო უწყება განცხადებას ავრცელებს და საქართველოს მოუწოდებს, ის გზავნილები, რაც საქართველოს აქვს აფხაზეთისა და ცხინვალის მიმართ, რეალურ ნაბიჯებად გარდაქმნას.
როგორც განცხადებაშია ნათქვამი, რუსეთი საქართველოსგან იურიდიულ გარანტიას ითხოვს, რათა საქართველომ ძალა არ გამოიყენოს ოკუპირებულ ტერიტორიებზე.
ასევე ნათქვამია, რომ საქართველო შესაძლოა, სამხედრო გზით შეეცადოს ყოფილი ტერიტორიების დაბრუნებას.
“ამ საფრთხეებს ამძაფრებს საქართველოს სწრაფვა ნატოსკენ და ალიანსთან სამხედრო თანამშრომლობა, მათ შორის ჩრდილოატლანტიკური ბლოკის წვრთნებში ჩართულობა,” — ნათქვამია რუსეთის საგარეო უწყების განცხადებაში.
დოკუმენტში ასევე ნახსენებია, რომ გაეროს გენერალურ ასამბლეაში საქართველოს ინიცირებული რეზოლუცია იძულებით გადაადგილებულ პირებზე აფერხებს დისკუსიებს რუსეთ-საქართველოს შორის.