ციციშვილის სახელობის კლინიკის სამედიცინო დირექტორი, მაია ჩხაიძე მშობლებს აფრთხილებს
„პატარა მაგნიტები, რომლებსაც ყლაპავენ (ბავშვები) რამდენიმე მაგნიტი თუ გადაყლაპა, ეს მაგნიტები ერთმანეთისკენ იზიდავენ და შეიძლება ნაწლავის ერთი კედელი მეორე კედელთან მიეწებოს მაგნიტის ძალით და შემდეგ იქ მოხდეს პერფორაცია, განავლის მასები ჩაიღვაროს მუცლის ღრუში, განვითარდეს პერიტონიტით და შეიძლება ცუდი შედეგით, სიკვდილით დამთავრდეს თუ დროულად ვერ მოხდა ამის იდენტიფიკაცია. ასეთ შემთხვევაში მუცლის ტკივილი აქვთ ხოლმე.
უცხო სხეულის სასუნთქ გზებში მოხვედრას, თუ იმ მომენტში იქ არ არის მშობელი და ხველის რეფლექსი არ დაეწყო ბავშვს, იმასაც ვერ მიხვდება. ყოფილან ჩვენთან პაციენტები, რომელთაც 1 წლის წინ 9 თვის ბავშვს ალუბლის კურკა ჰქონდა გადაყლაპული, რომელიც შემდეგ ჩაპარკდა და აბსცესივით ჩამოყალიბდა ბრონქში, ასე რომ ასეთი სახიფათო რაღაცები ხდება ცხოვრებაში, რაც არ უნდა ფრთხილად ვიყოთ ბავშვებთან, ძალიან ყურადღებიან მშობელსაც შეიძლება მოუვიდეს ეს ამბავი, მაგრამ როდესაც ვიცით, რომ ბავშვია სახლში, მედიკამენტი და ასეთი საშუალებები, რომელიც ბავშვებისგან შორს უნდა იყოს, უნდა გადავმალოთ და არ უნდა იყოს ბავშვისთვის ხელმისაწვდომი…“ – ამბობს მაია ჩხაიძე.