Aljazeera-ს ინფორმაციით, გასული დღე-ღამის განმავლობაში ღაზის სექტორში ისრაელის სამხედრო ოპერაციას სულ მცირე, 98 ადამიანი ემსხვერპლა.
როგორც მედია იუწყება, ისრაელის სამხედროებმა ქალაქ ღაზის შეიხ რადვანის უბანში სკოლის შენობა დაბომბეს, სადაც თავს დევნილი მოსახლეობა აფარებს.
შეგახსენებთ, ისრაელის პრემიერ-მინისტრმა, ბენიამინ ნეთანიაჰუმ და თავდაცვის მინისტრმა, ისრაელ კაცმა ისრაელის სამხედროებს დაავალეს, 48 საათის განმავლობაში წარმოადგინონ გეგმა, რათა „ჰამასის“ მიერ ღაზაში დახმარების „მითვისება“ შეაჩერონ.