„ძალიან მძიმე დღეები გვიდგას“ – ახლახანს სამწუხარო ინფორმაცია გავრცელდა

ხონის მერია განცხადებას ავრცელებს:

„ხონის მუნიციპალიტეტის მერის, ლადო ჯურხაძის გადაწყვეტილებით, ხონში დატრიალებული ტრაგედიის გამო, რომელსაც სამი ახალგაზრდის სიცოცხლე შეეწირა, მაისის თვეში დაგეგმილი „ხონელობა-გიორგობისა“ და „ბოლო ზარის“ აღნიშვნასთან დაკავშირებული ყველა მუნიციპალური ღონისძიება გაუქმებულია.

„ქრისტე აღდგა! მშვიდობას, ჯანმრთელობასა და ოჯახების კეთილდღეობას გისურვებთ!
ძალიან მძიმე დღეები გვიდგას ხონელებს და მიჭირს მისალოცი სიტყვების თქმა… დიდი ტკივილი მოგვაყენა სამი ახალგაზრდის ტრაგიკულმა გარდაცვალებამ.

ჩემო თანაქალაქელებო, რთულია ამ დღეების გავლა და ტკივილის დათმენა. არ ვიცი როგორ უნდა ვანუგეშოთ მათი მშობლები, მაგრამ ეს განსაცდელი ჩვენი ასატანია, ეს გზა ერთმანეთის გვერდით დგომით უნდა გავიაროთ ისე, როგორც ამ გამორჩეულ, ღირსეულ ახალგაზრდებს შეეფერებათ.გლოვობს მთელი ხონი და შესაბამისად უახლოეს დღეებში დაგეგმილი ღონისძიებები, საზეიმო „ბოლო ზარი“ მე-12 კლასელებისთვის და გიორგობა-ხონელობის დღესასწაული გაუქმებულია – ხონის მუნიციპალიტეტის მერი, ლადო ჯურხაძე“,- ნათქვამია განცხადებაში.