ვაშინგტონის ფედერალურმა მოსამართლემ, დონალდ ტრამპის ადმინისტრაციას დაავალა “ამერიკის ხმის, “რადიო თავისუფალი აზიისა“ და „ახლო აღმოსავლეთის მაუწყებლობის ქსელების“ დახურვის მცდელობები შეაჩეროს.
მოსამართლემ, როის ლამბერტმა, რომელიც აშშ-ის გლობალური მედიის სააგენტოს დახურვით დაზარალებული თანამშრომლებისა და კონტრაქტორების სარჩელებს განიხილავს, ტრამპის ადმინისტრაციას დაავალა, „გადადგას ყველა საჭირო ნაბიჯი თანამშრომლებისა და კონტრაქტორების თანამდებობებზე აღსადგენად და მაუწყებლობის განახლებისთვის”.
შეგახსენებთ, დონალდ ტრამპმა მარტში აღმასრულებელი ბრძანება გამოსცა, რომლის საფუძველზეც ამერიკის გლობალური მედიის სააგენტომ “რადიო თავისუფლებას” გრანტები შეუწყვიტა, ხოლო “ამერიკის ხმის” თანამშრომლები კი ანაზღაურებად შვებულებაში გაუშვა. ამ გადაწყვეტილების გამო, 19 მარტს “რადიო თავისუფლებამ” აშშ-ის გლობალური მედიის სააგენტოს სასამართლოში უჩივლა.
“ამერიკის ხმის” ჟურნალისტებმა და მათმა პროფკავშირებმა კი სასამართლოში ტრამპის ადმინისტრაციას უჩივლეს.