კოალიცია “ძლიერი საქართველოს” ერთ ერთი ლიდერის, ირაკლი კუპრაძის ცნობით, პროკურატურამ სასამართლოს მამუკა ხაზარაძისთვის აღკვეთის ღონისძიებაზე უკვე მიმართა და პროცესი საქალაქოში ხვალ, 13 საათისთვის ჩაინიშნა. აღკვეთის რა სახეს ითხოვს ოლიგარქის პროკურატურა – პატიმრობას, თუ ჯარიმას, ეს ამ დრომდე უცნობია:
“ივანიშვილის რეჟიმი დროს არ კარგავს! დღეს ბრალის წარდგენის შემდეგ, პროკურატურამ მიმართა სასამართლოს აღკვეთი ღონისძიების გამოყენებაზე მამუკა ხაზარაძის წინააღმდეგ.
13:00 საათი, თბილისის საქალაქო სასამართლო
მოსამართლე: არსენ კალატოზიშვილი” წერს ირაკლი კუპრაძე.
CNOBIStVIS, პროკურატურამ გამოძიება ხაზარაძის წინააღმდეგ 26 მარტს მას შემდეგ დაიწყო, რაც ის პარლამენტის მიერ შექმნილი “წინა ხელისუფლების საქმიანობის შემსწავლელი დროებითი საგამოძიებო კომისიაში” დაკითხვაზე არ გამოცხადდა. , სისხლის სამართლის კოდექსის თანახმად, კომისიის მოთხოვნის შეუსრულებლობა ითვალისწინებს ჯარიმას ან პატიმრობას ერთ წლამდე. მამუკა ხაზარაძეს ამ საქმეზე დღეს ბრალი წარუდგინეს.