პარლამენტის მიერ შექმნილი “წინა ხელისუფლების საქმიანობის შემსწავლელი დროებითი საგამოძიებო კომისია” კოალიცია “ძლიერი საქართველოს” ლიდერის, მამუკა ხაზარაძის საქმის პროკურატურაში გაგზავნას აპირებს.
“საგამოძიებო კომისიამ” ეს გადაწყვეტილება მას შემდეგ მიიღო, რაც მამუკა ხაზარაძემ კომისიაზე გამოუცხადებლობის შესახებ გააკეთა განცხადება და თქვა, რომ არ აპირებდა “ცირკში მონაწილეობას”.
“მე მინდა სამდივნოს ვთხოვო, რომ მამუკა ხაზარაძის ნაწილში სასწრაფოდ თავი მოუყაროს ყველა იმ დოკუმენტს, რომელიც დღემდე არის შეკრებილი მის შეტყობინებასთან დაკავშირებით და მოამზადოს წერილი კომისიისთვის, რომ დღესვე ეს საქმე გადაიგზავნოს პროკურატურაში”,” – თქვა კომისიის თავმჯდომარემ, თეა წულუკიანმა.