იყო თუ არა საკმარისი საინფორმაციო კამპანია ვაქცინაციის პროცესისთვის – აღნიშნული საკითხის შესახებ ეკატერინე ტიკარაძემ ტელეკომპანია “რუსთავი 2”-ის ეთერში ისაუბრა.
როგორც ჯანდაცვის მინისტრმა აღნიშნა, ვაქცინაციის პოპულარიზაციისთვის ჩატარებული კამპანია სწორ მიზანზე იყო გათვლილი და სრულიად საკმარისი. თუმცა, იქვე დასძინა, სახელმწიფომ საზოგადოების ყოველ ახალ ჯგუფს სხვა ტიპის კომუნიკაცია უნდა შესთავაზოს.
“მე ხშირად მესმის საყვედური იმასთან დაკავშირებით, რომ არ იყო საკმარისი კომუნიკაცია და საკმარისი კამპანია. მე თავად ვარ დაინტერესებული, გავარკვიო, თუ რა არ იყო საკმარისი და რა შეიძლებოდა უკეთესად გაკეთებულიყო. ამ ეტაპისთვის, ჩვენს მიზანს წარმოადგენს არა ვიპოვოთ დამნაშავე, არამედ ვიპოვოთ დამნაშავეები. არ მაქვს პასუხი, თუ რა უნდა ყოფილიყო გაძლიერებული, რა უნდა ყოფილიყო მეტი ან სხვა ფორმატში,” – განაცხადა ეკატერინე ტიკარაძემ “დღის კურიერის” ეთერში.