სალომე ზურაბიშვილი ზუგდიდშია – სამეგრელოს ცენტრში გაშლილია საქართველოს და ევროკავშირის გიგანტური დროშები. საქართველოს მეხუთე პრეზიდენტი ზუგდიდში სამოქალაქო სოლიდარობის ფონდის მიწვევით ჩავიდა.
თქვენ ხართ ჩვენი ევროპელები – მიმართა სალომე ზურაბიშვილმა სამხარეო ადმინისტრაციასთან შეკრებილებს.
“ძალიან მოხარული ვარ, რომ რეგიონალური ტურნე იწყება ზუგდიდში. ეს ჩემთვის არის ძალიან დიდი ბედნიერება და არამხოლოდ ბედნიერება ეს არის სწორი. ზუგდიდი არის ის ადგილი, რომელი ყველაზე ახლოს არის ევროპასთან, თქვენ ხართ ჩვენი ევროპელები. ჩვენი გზა ევროპისკენ იწყება, იქ სადაც ვართ გაჩერებულები, ანაკლიიდან. ძალიან ახლოს არის მეორე მხარე, შავი ზღვის და ევროპა, რომელსაც უსათუოდ შევუერთდებით”- ამბობს სალომე ზურაბიშვილი.