“მურუსიძის სასამართლომ და მურუსიძემ, რამდენი დედა უნდა გაამწაროს?”- რას ამბობს ნანკა კალატოზიშვილი?

მურუსიძის სასამართლომ და მურუსიძემ, რამდენი დედა უნდა გაამწაროს? – ამის შესახებ მსახიობმა ნანკა კალატზიშვილმა განაცხადა.

ევროპული აქციების მონაწილე დღეს სინდისის პატიმრების სასამართლოს ესწრებოდა. მსახიობმა კომენტარი მოსამართლე ირაკლი ხუსკივაძის გადაყვეტილების შემდეგ გააკეთა – საუბარია, დარბაზის შეცვლასთან დაკავშირებით დაყენებული შუამდგომლობის არდაკმაყოფილებაზე.

“რა ხდება? მურუსიძის სასამართლომ და მურუსიძემ, რამდენი დედა უნდა გაამწაროს ყოველ წელს და ყოველი მთავრობის დროს. ეს არის ადამიანი, რომელიც ამწარებდა დედებს … სტუდენტები ხალხო, როგორი ოქროს ფონდი არის დღეს დაჭერილი და ორ კურსს ნასწავლი მოსამართლეები ასამართლებენ. ეს არის წარმოუდგენელი, შარიკოების ქვეყანაში ვართ. როგორ შეიძლება, გაჩერდე ან რაღაცა დათმო, ჩემთვის წარმოუდგენელია”, – ამბობს ნანკა კალატოზიშვილი.