„ლილოში ვინც იყვნენ ჩვენი მომწოდებლები სხვადასხვა ტექნიკური აღჭურვილობის, დაგვირეკეს და გვითხრეს, რომ საწყობები დაუხურეს. პიროტექნიკა სადაც იყიდებოდა, ასევე დაკეტეს ყველა, უბრალოდ მათ არც კი იციან, რომ ჩვენ პიროტექნიკა არასოდეს ფონდის თანხით არ შეგვიძენია.
შეგროვების პროცესში ჩართულნი არიან ლილოს გამყიდველები, რომლებიც აქციებზე დგომას ვერ ახერხებენ, მაგრამ ამით ფიქრობენ, რომ გვეხმარებიან და გვეხმარებიან კიდეც და დღეს დამირეკეს და მითხეს, რომ აქ ყველა გამყიდველი გააფრთხილესო, რომ ნანუკას არაფერი მიყიდოთო. ჩვენ სხვა გზა ვნახეთ, რომ იცოდეთ, მარაგები მაინც ივსება. ჩვენ გვაქვს მარაგი, ჩვენი ახალგაზრდები რამდენიმე დღით, და არ არის ეს დღეები ცოტა, შეფუთულები და შემოსილები იქნებიან“ — თქვა ნანუკა ჟორჟოლიანმა ფორმულას ეთერში.
ცნობისთვის, საქართველოს მასშტაბით პიროტექნიკის მაღაზიები დაიხურა. ობიექტებში, რომლებიც პიროტექნიკით ვაჭრობდნენ, შემოსავლების სამსახური, გუშინ, შევიდა და აღწერა დაიწყო. ფეიერვერკები ამოიღეს იმ მაღაზიებიდანაც, სადაც ის დამატებითი პროდუქციის სახით იყო წარმოდგენილი. შეიზღუდა პიროტექნიკის იმპორტიც.