რამდენიმე წუთში ხელისუფლებამ თბილისის მერობის კანდიდატი მთაწმინდის პარკში უნდა წარადგინოს. ღონისძიებას როგორც პოლიტიკოსები, საზოგადოების კარგად ნაცნობი სახეები, მათ შორის შოუ-ბიზნესის წარმომადგენლებიც დაესწრებიან.
ადგილზე მივიდა დიზაინერი ზალიკო ბერგერივ, რომელმაც ჟურნალისტებთან შემდეგი სახის კომენტარი გააკეთა:
“კახი არის ჩემი ბავშვობის მეგობარი, მოვედი, რომ დავესწრო და ძალიან მიხარია” – აღნიშნა მან.
TV -“პირველის” ჟურნალისტის რეპლიკაზე, რომ “53 ჟურნალისტია ნაცემი” ბერგერმა შემდეგნაირად უპასუხა:
“უი, 53 არვიცოდი, რა საკრალური რიცხვია… რა ხდებოდა ეგეც ვერ გავიგე, ან რისი გულისთვის რას იბრძოდნენ, ან ვინ იბრძოდა…
მე მოვედი აქ იმისთვის, რომ კახი კალაძე ჩემი ბავშვობის მეგობარია,” – თქვა ბერგერმა.
რაც შეეხება მედიას, თბილისის მერობის კანდიდატის წარდგენაზე, მხოლოდ ერთ ჯგუფს – ჟურნალისტსა და ოპერატორს სპეციალურ მედიაზონაში უშვებენ.
მედიაზონაში დამონტაჟებულია მონიტორი. დამონტაჟებული ჯებირებს იქით გადასვლის უფლება მოსაწვევის გარეშე არავის აქვს.