“ასე ცხოვრება აღარ მინდოდა, მომიტრიალდა და მკითხა, ბედნიერი ხარო?”- რას ჰყვება მაკა ძაგანია

ცნობილი მსახიობი მაკა ძაგანია რამდენიმე წელია , რაც ოჯახთან ერთად საცხოვრებლად სოფელში გადავიდა და სოფლის მეურნეობაში მეუღლესთან ერთად აქტიურად მონაწილეობს

მსახიობი სტუმრად იმყოფებოდა გადაცემაში „ნიკოლოზის კითხვები“, სადაც მან პირად ცხოვრებაზე ისაუბრა. გარდა ამისა, მაკამ გარდაცვლილი მამაც და მასთან დაკავშირებული ისტორიაც გაიხსენა.

„ძალიან ცუდად ვიყავი, მივხვდი, რომ ასე ცხოვრება აღარ მინდოდა. მამაჩემი იყო ძალიან ცუდად, მახსოვს სიცოცხლის ბოლო პერიოდში მომიტრიალდა და მკითხა, ბედნიერი ხარო? მივხვდი, რომ უნდა მომეტყუებინა და მეთქვა ბედნიერი ვარ -მეთქი.

ძალიან მეშინოდა მეორე ოჯახის შექმნისას. როცა სტრესული ურთიერთობაა, ცუდად გახსენდება რაღაცები, ძალიან რთულია იმავესთან შეჯახება.

8 წლითაა ჩემზე პატარა და ვეუბნებოდი, გეხვეწები, შემეშვი -მეთქი“, – ამბობს მაკა ძაგანია.