ავსტრიის ბუნდესლიგის 31-ე ტურის საუკეთესო მოთამაშედ ოთარ კიტეიშვილი დასახელდა, ქართველი ფეხბურთელი გულშემატკივრებმა აირჩიეს, რომელიც ავსტრიულ გამოცემა ligaportal-ზე ხორციელდებოდა. კიტემ ხმების 31.1% დაიმსახურა, რაც საკმარისი აღმოჩნდა იმისთვის, რომ ტურის საუკეთესო გამხდარიყო. ოთარ კიტეიშვილმა “ლასკთან” დუბლი შეასრულა და თავის გუნდს ქულის მოპოვებაში დაეხმარა (2:2).
“გუნდისთვის ოთარ კიტეიშვილი ყოველთვის მაღალ ერთგულებასა და ბრწყინვალე თამაშს აჩვენებდა. ქართველი ფეხბურთელისთვის ავსტრიის ბუნდესლიგის 50-ე საიუბილეო სეზონი დამთავრებულია, ყოველ შემთხვევაში მოედანზე, რადგან “ლასკთან” შეხვედრაში კიტემ მე-9 ყვითელი ბარათი მიიღო, რაც შემდეგი მატჩის გამოტოვებას გულისხმობს (“კლაგენფურტის” წინააღმდეგ). 28 წლის ნახევარმცველი თავის გუნდს ტრიბუნიდან უგულშემატკივრებს და იმედოვნებს, რომ ავსტრიის ჩემპიონობას და დუბლს იზეიმებს.” – წერს ავსტრალიური გამოცემა.
“ოთარ კიტეიშვილი ავსტრიული ბუნდესლიგის სეზონის საუკეთესო ფეხბურთელად დასახელდა.
⚫️ 25 მატჩი, 9 გოლი, 5 საგოლე გადაცემა ✨” – ვკითხულობთ Geo Team-ის ოფიციალურ გვერდზეც.