ეროვნული ნაკრების ფეხბურთელი, რომელიც პროევროპული აქციის მხარდამჭერი პოსტის გამო, “ქართული ოცნების” სამიზნე გახდა, მასზე და მის ოჯახზე მიტანილ იერიშს ჯერ არ გამოხმაურებია.
სამაგიეროდ აქტიურობენ გიორგი ქოჩორაშვილის ოჯახის წევრები. მას შემდეგ, რაც საქართველოს ეროვნული ნაკრების ფეხბურთელის Instagram ანგარიში გაქრა, რუსული კანონის საწინააღმდეგო მარშიდან იგივე ფოტო ამჯერად სპორტსმენის დამ, ანანო ქოჩორაშვილმა გამოაქვეყნა.
მანამდე, როინ ქოჩორაშვილმა Facebook-ზე გაავრცელა ფოტო და მოგვიანებით დაწერა, რომ “საქართველოს გზა ევროპაშია”.