ნაკრების ყოფილი კაპიტანი და ამჟამად თბილისის მერი კახა კალაძე ამბობს, რომ საქართვლოს ნაკრებს გამარჯვება ქართული ოცნების თავმჯდომარემ ბიძინა ივანიშვილმაც მიულოცა.
კალაძე იმედოვნბს, რომ ევროპის ჩემპიონატზეც ნაკრები ღირსულად გამოვა.
“ბიძინა ივანიშვილმა ფედერაციის პრეზიდენტ ლევან კობიაშვილს დაურეკა და სატელეფონო საუბრით მიულოცა ეს დიდი გამარჯვება. ეს იყო მთელი ქვეყნის გამარჯვება, უდიდესი შედეგი დაიდო და დარწმუნებული ვარ, ნაკრები ზაფხულშიც ღირსეულად გამოვა ევროპის ჩემპიონატზე.
ამ დღით უამრავ ბავშვს მიეცა მოტივაცია, რომ ფეხბურთელი და სპორტსმენი გამოვიდეს. ეს ყველაფერი ერთმანეთთან დიდ თანხვედრაშია”, – განაცხადა კალაძემ.
26 მარტს ერთა ლიგის C დივიზიონის ფინალში საბერძნეთის დამარცხებით საქართველოს ნაკრები პირველად დამოუკიდებლობის ისტორიაში ევროპის ჩემპიონატზე გავიდა.