ქორეოგრაფი ანა (ანანო) სამსონაძე 21 მარტს გარდაიცვალა. ის სიმსივნეს ებრძოდა. ანა სამსონაძე ხელოვნებათმცოდნეობის დოქტორი, ასოცირებული პროფესორი და ქორეოგრაფ-ქორეოლოგი გახლდათ, თუმცა მას ყველაზე ხშირად საქართველოს შოთა რუსთაველის თეატრისა და კინოს სახელმწიფო უნივერსიტეტში ხედავდნენ, სადაც უნივერსიტეტის ხარისხის უზრუნველყოფის სამსახურის ხელმძღვანელის თანამდებობას იკავებდა. გასული წლის მიწურულს კი თეატრალურში “2023 წლის საუკეთესო თანამშრომლად” დაასახელეს და დააჯილდოვეს.
სამსონაძის მეგობრები და კოლეგები ამბობენ, რომ როგორც ქორეოგრაფი, ერთ-ერთი ყველაზე პროდუქტიული, ნოდარ დუმბაძის სახელობის მოზარდ მაყურებელთა თეატრში იყო, სწორედ ამიტომ, 24 მარტს სამსონაძეს სწორედ ამ თეატრიდან გამოასვენებენ.