ვაზისუბანში ორ 13 წლის მოზარდს ეძებენ. როგორც ერთ-ერთი მოზარდის დამ გვითხრა, ბავშვები გუშინ სკოლაში წავიდნენ და მას შემდეგ აღარ გამოჩენილან. ოჯახი ვარაუდობს, რომ ისინი იმ მეგობარ გოგონასთან ერთად იმყოფებიან, რომელსაც ოჯახში პრობლემები აქვს და სახლიდან გაიქცა.
“ოჯახში არანაირი პრობლემა არ ჰქონიათ. ჩვენ გვაქვს ინფორმაცია, რომ მათი მეგობარი გოგონა დაიკარგა, რომელსაც პრობლემები აქვს ოჯახში და მასთან ერთად იმყოფებიან. ამ ყველაფერს მათი მეგობრები გვიყვებიან. გუშინ საღამოს უნახავთ “გალერიში” და მერე ქრება კვალი”, – გვეუბნება ერთ-ერთი მოზარდის და.