საქართველოს მწერალთა შემოქმედებითი კავშირი სამწუხარო ინფორმაციას ავრცელებს:
“საქართველოს მწერალთა კავშირი ღრმა მწუხარებით იუწყება, რომ გარდაიცვალა დაღესტნისა და საქართველოს დიდი მოსიყვარულე შვილი, დედით ქართველი და მამით დაღესტნელი
ა ნ ვ ა რ ბ ე კ მ ა ნ ს უ რ ი ს ძ ე კ ა დ ი ე ვ ი,
დიდი მექომაგე საქართველოსა და დაღესტნელი ხალხის მეგობრობისა, რომელსაც სურდა ამ ორი კავკასიელი ხალხის მეგობრობის განახლება-განმტკიცება. იგი იყო დავით გურამიშვილისა და რასულ გამზათოვის სახელობის ასოციაციის დამფუძნებელი და პრეზიდენტი.
ბატონი ანვარბეკი იყო კაცურ-კაცობის და სიკეთის მაგალითი. მისი მხარდაჭერით გამოვიდა ყველა ქართველის და დაღესტნელისთვის საუკეთესო საჩუქარი რასულ გამზათოვის 100 წლის იუბილისადმი მიძღვნილი წიგნი „რასულ გამზათოვი“.
საქართველოს მწერალთა კავშირი იზიარებს დაღესტნელი ხალხის ტკივილს.
ნათელში იყოს ამ კეთილშობილი კაცის სული”