კასპის მუნიციპალიტეტის მერია სამწუხარო ინფორმაციას ავრცელებს:
“კასპის მუნიციპალიტეტის მერია მწუხარებას გამოთქვამს ამაგდარი და მეცენატის, დამსახურებული რაციონალიზატორის, პროფესორის, ტექნიკურ მეცნიერებათა დოქტორის, აკადემიკოსის, პოეტის, მსოფლიო ელექტროტექნიკური მრეწველობის საბჭოს („ინტერელექტრო“) და საქართველოს მწერალთა კავშირის წევრის უშანგი მოსიაშვილის გარდაცვალების გამო.
უშანგი მოსიაშვილი ათეული წლების განმავლობაში იყო ქარხანა „კასპიელექტროაპარატი“-ს დირექტორი, სს „კასპიელექტროაპარატი“-ს სამეთვალყურეო საბჭოს თავმჯდომარე, კასპის საკრებულოს თავმჯდომარე, კასპის მუნიციპალიტეტის გამგებლის სამოქალაქო მრჩეველთა საბჭოს თავმჯდომარე.
კასპის მერია თანაგრძნობას უცხადებს უშანგი მოსიაშვილის ოჯახსა და ახლობლებს”