ბრაზილიის საელჩო საქართველოში სოციალურ ქსელში სამწუხარო ინფორმაციას ავრცელებს.
„ბრაზილიის საელჩო ღრმა მწუხარებას გამოთქვამს თბილისში მცხოვრები ბრაზილიელი ფეხბურთის მწვრთნელის, ბატონი ელიას ანდრე ფილიოს გარდაცვალების შესახებ. ბატონი ელიას ფილიო იყო ერთ-ერთი პირველი ბრაზილიელი, რომელიც თბილისში ცხოვრობდა და მუშაობდა, იგი ქვეყანაში 2006 წელს ჩამოვიდა და 2008 წლამდე ფუტსალის ქართულ გუნდ იბერიაში თამაშობდა, ხოლო 2013-2019 წლებში ილიას სახელმწიფო უნივერსიტეტის ფუტსალის გუნდს ხელმძღვანელობდა.
ვუსამძიმრებთ მის ოჯახს საქართველოსა და ბრაზილიაში“, – აღნიშნულია პოსტში.