ცნობილი მეტეოროლოგი კობა ფარტენაძე მოსალოდნელი ამინდის შესახებ ინფორმაციას ავრცელებს:
“ვინაიდან ძალიან ბევრი მეკითხება და ყველაზე ხშირად დასმული კითხვა ბოლო პერიოდში არის ,,იქნება თუ არა თოვლი” და მე უბრალოდ საკმარისი დრო არ მაქვს ყველას გიპასუხოთ, ვრცლად განვმარტავ:
6 დან 9 იანვრის ჩათვლით – საქართველოზე გავლენა ექნება ანტიციკლონს, რომელიც უღრუბლო და მზიან ამინდს განაპირობებს,ტემპერატურის მნიშვნელოვანი მომატებით.
7 და 8 იანვარს – დასავლეთ საქართველოში ტემპერატურა +20, +22 გრადუსს მიაღწევს, აღმოსავლეთში +12, +14 გრადუსი იქნება.
ასეთი დათბობა, როგორც ხშირად ხდება მკვეთრი უამინდობის წინმსწრები პროცესია და მართლაც , 10 იანვრიდან – არქტიკული წარმოშობის ცივი ჰაერის ნაკადი მთელს ევროპაში გავრცელდება, რომლის გავლენა საქართველოზეც იქნება.
როგორია უფრო გრძელვადიანი ზოგადი პროგნოზი ?
უახლესი განახლებების თანახმად, ამინდისა და კლიმატური პირობების გადამწყვეტი ცვლილება მოსალოდნელია იანვრის შუა რიცხვებისთვის, თოვლი შესაძლოა მოვიდეს დაბალ სიმაღლეებზეც, დაბლობსა და ბარში და ამით გაიხაროთ ყველა იმ ადამიანმა ვისაც ფანტელები გენატრებათ.
გაითვალისწინეთ ამინდის გრძელვადიანი პროგნოზი განიცდის ცვლილებას, ის არ შეიძლება განხილულ იქნას როგორც ზუსტი, მაგრამ ცხადია ის, რომ დათბობა რომელიც 6 იანვრიდან დაიწყება და 3-4 დღიანი ციკლი ექნება, მას აუცილებლად შეცვლის აცივება, ზუსტად თოვლი სად და რა რაოდენობის მოვა, ამის დაზუსტება მხოლოდ 3 დღით ადრეა შესაძლებელი.
ვიმედოვნებ გავეცი პასუხი კითხვას ,,იქნება თუ არა თოვლი, იმედია დილით იგივეს არ მკითხავთ ან არ მომწერთ იმას, რომ რაც დავწერე მართალია თუ არა 😂
თქვენი მეტეოროლოგი – კობა ფარტენაძე – ყოველთვის მზად ვარ ვუპასუხო ყველა ადეკვატურ კითხვას 😗
კეთილ დღეებს გისურვებთ…”