“ფეისბუკ” ჯგუფში “ქალაქის პრობლემები” მოქალაქე საგანგაშო ინფორმაციას ავრცელებს და წერს:
“გამარჯობა! გლდანში, მარატ ნოზაძის ქუჩაზე, გარემოვაჭრეებს რომ აქვთ ათვისებული ზონალური პარკირების ორი ზოლი, ამაზე რატომ ხუჭავს ყველა თვალს? კარგი, გარემოვაჭრეებს არაფერს ვერჩი, ყველა გაჭირვებულის მესმის და კიდევ რაღაცნაირად შევდივარ მათ მდგომარეობაში, მაგრამ, ხალხო, აღნიშნულ ადგილზე იყიდება ხორცი!!! საშინელ სიბინძურეში, ქუჩაში, გზის პირზე 
ნაგავი, მტვერი, მანქანების გამონაბოლქვი, მშენებლობის ნაგავი, ყველაფერი ზედ ეყრება. არაა მაცივრები, გამყიდველებს გაურკვეველი წარმომავლობის, სათუო ვადის გაუბედურებული ხორცები ულაგიათ უბიინძურეს დახლებზე, რომლებსაც ღამე ქუჩაში ტოვებენ და არც წმენდენ დილით! უყენიათ მანქანები და ამ მანქანების და მარშუტკების საბარგულებში ეგრევე შეყრილი ხორცი, რომელსაც ღამე უმაცივროდ შიგვე ტოვებენ.
რამდენი დღეა უშედეგოდ ვცდილობ ყურადღების მიქცევას და არავის აინტერესებს.
გლდანის გამგეობა, დეპუტატის სამსახური, მერია, მერიის ზედამხედველობა, სურსათის უვნებლობა, სახალხო კონტროლი- ესაა ის ორგანოები რომლებსაც მივმართე, მაგრამ სამწუხაროდ არავინ მიაქცია ყურადღება. ყველა მამისამართებს მერიაში, სადაც ორჯერ დამპირდნენ რომ ზედამხედველობის სამსახური შეამოწმებდა ამ ვითარებას, მაგრამ რათქმაუნდა არ მისულან და ყველაფერი ისევ ისეა. ნუთუ ამას არვინ ხედავს ჩემს გარდა? ათასი დაავადება შეიხლება ამ ხორცმა დამართოს ადამიანს, რამაც სავალალო შედეგიც კი შეიძლება გამოიწვიოს. ხალხი კიდევ ყიდულობს, აი ასეთები ვართ, მთავარია ახალ წელს გოჭი იდოს სუფრაზე და სად ნაგავში ვიყიდეთ არც გვაინტერესებს “
“
